Бие биедээ мөнгө зээлэх нь авилгын хэрэг болно.

Хонконгийн авилгаас урьдчилан сэргийлэх тухай хууль /Prevention of bribery ordinance (cap. 201)/ 1971 оны 5 дугаар сарын 14-ний өдөр анх батлагдсан байна. Үүнээс хойш 2008, 2012, 2021, 2025 онуудад нэмэлт өөрчлөлт хийгдсэн бөгөөд төрийн албан хаагчийг авилгын гэмт хэрэгт холбогдохоос урьдчилан сэргийлэх, зөрчсөн тохиолдолд хүлээлгэх хариуцлагыг тогтоосон хууль юм.

            Уг хуульд төрийн албан хаагч аливаа хэлбэрээр өөртөө “давуу байдал” бий болгохыг хориглосон. Давуу байдал гэдэгт ямар нэгэн бэлэг, үнэт эдлэл, бүх төрлийн өмч, шагнал, урамшуулал, зээл, хураамж, авах, өгөх, төлбөрөөс чөлөөлөх гэх зэрэг өргөн хүрээг хамруулан тодорхойлсон.

Ингэснээр Хонконгийн төрийн албан хаагчид бие биедээ мөнгө зээлэх нь хууль зөрчсөн үйлдэлд тооцогддог байна. Хууль зөрчсөн этгээдэд оногдуулах ялын хэмжээ 7 хүртэл жил бөгөөд торгуулийн хэмжээ 500,000 хонконг доллар буюу 250 сая төгрөг хүртэл хэмжээ байх зохицуулалттай байна.